اتوار , جنوری 21 2018
Home / دنیا بھر سے / یوکرین کے بین الاقوامی میلے میں پاکستانی ثقافت کے رنگ

یوکرین کے بین الاقوامی میلے میں پاکستانی ثقافت کے رنگ

یوکرین میں رنگا رنگ شاندار بین الاقوامی ثقافتی میلہ منعقد کیا گیا جس میں مختلف ممالک سمیت پاکستانی ثقافت کی بھی نمائش کی گئی۔

ثقافتی میلے میں پاکستان کے سفارت خانے کی جانب سے مختلف اسٹالز لگائے گئے جن میں مہندی، رنگا رنگ پاکستانی روایتی ملبوسات اور نقش و نگاری سے سجے گلدان وغیرہ بھی شامل تھے۔

رنگا رنگ پاکستانی ملبوسات زیب تن کئے اور ساتھ ہی پاکستانی گانے ‘ماہیا’پر رقص کرتے ہوئے پاکستانی ثقافت کو ٹارس شیوچینکو کے طلباء نے پیش کیا۔

طلباء نے اسٹالز کی چیزوں کی بھی خوب تشہیر کی اور میلے میں شریک خواتین کے ہاتھوں پر مہندی بھی لگائی۔

173656_3799131_updates

یوکرین میں پاکستانی سفارت کار اظہر عباس کا کہنا تھا کہ یہ ثقافتی میلہ پاکستان کی فن و ثقافت کو فروغ دینے میں اہم کردار ادا کررہا ہے۔ انہوں نے تقریب میں شرکت کرنے والے تمام لوگوں کو سراہا اور طلباء کی حوصلہ افزائی کی۔

پاکستانی میڈیا چینل سے گفتگو کرتے ہوئے ثقافتی میلہ میں پاکستانی پرفارمنس کی آرکیٹیکٹ سیما اطہر نے بتایا کہ وہ گزشتہ ماہ سے ہی طلباء کو میلہ میں ‘ماہیا’ گانے پر شاندار پرفارمنس دینے کی تیاری کروا رہی تھیں اور آج ان کی محنت رنگ لے آئی کیونکہ تمام ناظرین نے طلباء کی محنت کو خوب سراہا اور روایتی رقص سے کافی لطف اندوز ہوئے۔

173656_5892486_updates

انہوں نے مزید کہا کہ میلے کے اختتام تک کئی برطانوی خواتین نے مہندی کے مختلف ڈیزائن اپنے ہاتھوں پر لگوائے اور خوب تعریف کی ۔

یوکرین کمیونیٹی کی جانب سے ہر سال 29 مما لک کے لوگ اس ثقافتی میلہ میں حصلہ لیتے ہیں اور اپنی فن و ثقافت کو نمایاں اور ایک دوسرے کی ثقافت سے خود کو آشنا کرتے ہیں ۔

یوکرین کمیونیٹی کے مطابق اس پروجیکٹ کا مقصد پوری دنیا میں امن، استحکام اور باہمی تعلقات کو فروغ دینا ہے۔

تبصرہ کریں

Check Also

صوبے کے سبجیکٹ سپیشلسٹ اساتذہ کا بھی اپ گریڈیشن کا مطالبہ

خیبرپختونخوا کے مختلف محکمہ جات کے ملازمین کی مستقلی اور ترقی کے بعد سبجیکٹ سپیشلسٹ …