اتوار , اکتوبر 21 2018
Home / بلوچستان / ‘ہاں میں نے پرنسپل کو قتل کیا، اپنے کئے پر پشیمان ہوں’

‘ہاں میں نے پرنسپل کو قتل کیا، اپنے کئے پر پشیمان ہوں’

ضلع چارسدہ کی تحصیل شبقدر میں نجی کالج کے پرنسپل کو قتل کرنے کے بعد رنگے ہاتھوں گرفتار طالب علم فہیم شاہ کو 3 روزہ جسمانی ریمانڈ پر پولیس کے حوالے کردیا گیا ہے۔

فہیم شاہ کو آج سخت سکیورٹی میں جوڈیشل مجسٹریٹ عطاء اللہ خان کی عدالت میں پیش کیا گیا، اس دوران عدالت سے استدعا کی گئی کہ ملزم سے مزید تفتیش کی ضرورت ہے لہٰذا اسے جسمانی ریمانڈ پر پولیس کے حوالے کیا جائے، فاضل جج نے درخواست منظور کرتے ہوئے ملزم کو تین روزہ ریمانڈ پر پولیس کی تحویل میں دے دیا۔

پولیس کے مطابق ملزم نے ابتدائی تفتیش کے دوران بتایا کہ پرنسپل اکثر اوقات اس کی ڈانٹ ڈپٹ کرتا تھا جس کی بناء پر اسے قتل کردیا تاہم اب وہ اپنے کئے پر پشیمان ہے۔

یاد رہے کہ شبقدر میں پرائیویٹ اسلامیہ کالج کے سیکنڈ ائیر کے طالب علم فہیم شاہ نے گزشتہ روز کالج کے پرنسپل سریر خان کو فائرنگ کرکے قتل کردیا تھا جس کے نتیجہ میں وہ موقع پر ہی جاں بحق ہوگیا تھا، ملزم کو موقع پر موجود ایف سی اہلکاروں نے قابو کرکے اس کے قبضے سے واردات میں استعمال ہونے والا پستول بھی برآمد کرلیا تھا۔

واقعے کے بعد سوشل میڈیا پر ایک ویڈیو بھی وائرل ہوئی جس میں ملزم کو حراست میں لینے کے دوران ایک پولیس اہلکار ملزم فہیم سے پوچھتا ہے کہ کیا تم نے پرنسپل سریر خان کو قتل کیا ہے تو اس کے جواب میں وہ کہتا ہے کہ ‘ہاں یہ صحیح ہے کہ میں نے اسے مارا ہے اور میں قبول کرتا ہوں جبکہ میرے ساتھ اس واردات میں اور کوئی بھی شامل نہیں’۔

Check Also

پشاور،ایم این سی ایچ ملازمین کا تنخواہوں کی بندش کے خلاف سول سیکٹریٹ میں دھرنا

سیکریٹری ہیلتھ دفتر کے سامنے احتجاج کرتے ہوئے ایم این سی ایچ کے ملازم بشیر …

Pin It on Pinterest

Shares
Share This