جمعرات , اکتوبر 18 2018
Home / بلوچستان / جنوبی وزیرستان میں کھلونا نما بم پھٹنے سے 2 بچے جسم کے اہم اعضاء سے محروم

جنوبی وزیرستان میں کھلونا نما بم پھٹنے سے 2 بچے جسم کے اہم اعضاء سے محروم

جنوبی وزیرستان کی تحصیل سرویکی میں کھلونا نما بم پھٹنے سے 2 بچے شدید زخمی ہونے کے ساتھ جسم کے اہم اعضاء سے محروم ہوگئے ہیں۔

مقامی افراد کے مطابق سرویکی کے علاقہ ریشوڑا ڈاگوا میں 9 سالہ کلثوم اور 7 سالہ رشید مویشی چَرا رہے تھے کہ اس دوران انہوں نے راستے میں پڑا ایک کھلونا اُٹھا لیا اور اُس کے ساتھ کھیلنے لگے جو اچانک زوردار دھماکے سے پھٹ گیا جس کے نتیجہ میں دونوں بچے شدید زخمی ہوگئے۔

واقعے کے بعد امدادی ٹیموں نے زخمیوں کو ڈیرہ اسماعیل خان سول ہسپتال منتقل کردیا جہاں کلثوم کی حالت نازک بتائی جارہی ہے، ہسپتال انتظامیہ کے مطابق دونوں بچے جسم کے اہم اعضاء سے محروم ہوگئے ہیں۔

دوسری جانب سکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔

Check Also

پشاور،ایم این سی ایچ ملازمین کا تنخواہوں کی بندش کے خلاف سول سیکٹریٹ میں دھرنا

سیکریٹری ہیلتھ دفتر کے سامنے احتجاج کرتے ہوئے ایم این سی ایچ کے ملازم بشیر …

Pin It on Pinterest

Shares
Share This